Прочтите, если выплачиваете доходы нерезидентам, не связанные с ПУ:
“Корхонамизнинг Ўзбекистоннинг норезиденти бўлган штатдаги ходими Калининградда доимий яшайди, 9 июлдан 12 июлга қадар Москва шаҳрига хизмат сафарига юборилган. Хизмат сафари учун бўнак берилмаган. Авиачиптани бошқа компания 500 Россия рублига харид қилган. Ходим қариндошларининг уйида яшаган.
Мазкур ҳолда хизмат сафари харажатлари қандай қопланади? Харажатларни ходимнинг сўмда ифодаланган картасига ўтказиш йўли билан қоплаш мумкинми? Ёки харажатларни албатта чет эл валютасида қоплаш керакми?”
Саволларга молиявий маслаҳатчи, аудитор Гўзал ИСЛОМОВА жавоб беради.
Мутахассисларнинг тушунтиришларини ўтказиб юбормаслик учун бизнинг телеграм-каналимизга обуна бўлинг.
– Ходимнинг хизмат сафари билан боғлиқ харажатларининг ўрни қопланиши лозим 
.
Чет элга хизмат сафарларида хизмат сафари харажатлари учун маблағлар бериш тартиби махсус Низом билан тартибга солинади (АВ рўйхат рақами 2730, 19.11.2015 й.).
Суткалик харажатларни мамлакат доирасида хизмат сафарига жўнатиладиган хорижий муассасалар ходимлари учун назарда тутилган меъёрлар бўйича тўлаш тавсия қилинади, ваҳоланки Низомда сизнинг вазиятингиз учун ушбу меъёрларни қўллаш учун ҳеч қандай бевосита кўрсатмалар мавжуд эмас . Москва учун 16 АҚШ доллари миқдоридаги меъёр белгиланган.
Яшаш ва йўл харажатлари тасдиқловчи ҳужжатлар мавжуд бўлган тақдирда қопланади.
Ходим қариндошларининг уйида яшаганлиги боис, яшаш учун харажатлар қопланмайди.
Транспорт харажатлари бошқа компания томонидан амалга оширилган, шу боис улар ҳам қопланмайди.
Агар ташкилотда чет эл валютасида ифодаланган маблағлар мавжуд бўлмаса, сиз ходим олдидаги қарздорликни унинг розилиги билан бўнак ҳисоботи топширилган кундаги Марказий банкнинг курси бўйича миллий валютада сўндиришингиз мумкин .
Эътибор беринг
Хизмат сафарини ҳужжатлар билан расмийлаштириш айниқса муҳимдир: буйруқ ва режа-топшириқни расмийлаштиринг, ходим ҳисобот тақдим этиши керак.
Фақатгина лозим даражада ҳужжатлар билан расмийлаштирилган тақдирда хизмат сафари бўйича харажатлар:
- ходимнинг даромади сифатида қаралмайди, демак, ЖШДС ва ижтимоий солиқ солинмайди ;
- фойда солиғини ҳисоб-китоб қилишда чегириб ташланади .
