Прочтите, если выплачиваете доходы нерезидентам, не связанные с ПУ:
2023 йил учун кимлар чет эл инвестициялари иштирокидаги корхона ҳуқуқида молиявий ҳисоботни топширади
“Корхонанинг устав фонди 300 млн сўмни ташкил этади, шундан 20% – чет эл инвестициялари.
2023 йил учун молиявий ҳисоботни топширишнинг қайси муддатини сўнгги муддат деб ҳисоблаш керак: 2024 йил 15 февралми ёки 25 мартми?”
Саволга buxgalter.uz илтимосига биноан солиқ маслаҳатчиси Гулнора ЭРГАШЕВА жавоб берди:
Мутахассисларнинг тушунтиришларини ўтказиб юбормаслик учун бизнинг телеграм-каналимизга обуна бўлинг.
– Чет эл инвестициялари иштирокидаги корхоналар учун йилик молиявий ҳисоботни тақдим этиш муддати ҳисобот йилидан кейинги йилнинг 25 мартидан кечиктирмай белгиланади 
.
“Инвестициялар ва инвестиция фаолияти тўғрисида”ги Қонунга мувофиқ акцияларининг (улушларининг, пайларининг) ёки устав фондининг (устав капиталининг) камида 15 фоизини чет эл инвестициялари ташкил этадиган корхоналар Ўзбекистон ҳудудидаги чет эл инвестициялари иштирокидаги корхоналар деб эътироф этилади .
Аммо яна Президентнинг 2018 йил 1 августдаги ПФ-5495-сон Фармонининг 6-банди ҳам мавжуд. Ушбу банд билан Адлия вазирлиги, Иқтисодиёт вазирлиги (ҳозир – Иқтисодиёт ва молия вазирлиги) ҳамда Давлат рақобат қўмитасининг таклифи маъқулланган, унга мувофиқ чет эл инвестициялари иштирокидаги корхоналар:
- устав фондидаги хорижий инвестициялар улуши камида 15 фоизни ташкил этиши керак;
- устав фондининг энг кам миқдори 400 млн сўм бўлиши керак.
Аммо “Инвестициялар ва инвестиция фаолияти тўғрисида”ги Қонунда устав фонди миқдори ҳақида айтиб ўтилмаган.
Шундай қилиб, ушбу норматив-ҳуқуқий ҳужжатларда фарқлар мавжуд.
Қандай корхоналарни чет эл инвестициялари иштирокидаги корхоналар деб ҳисоблаш керак
Муаммо биринчи йил кўтарилаётгани йўқ ва ушбу масала ҳар йили молиявий ҳисоботни топшириш даврида намоён бўлади. Ваколатли органлар фарқларни батараф этишларини кутамиз.
Ушбу вазиятда “Норматив-ҳуқуқий ҳужжатлар тўғрисида”ги Қонунга амал қилиш лозим: норматив-ҳуқуқий ҳужжатлар ўртасида тафовутлар бўлган тақдирда юқорироқ юридик кучга эга бўлган норматив-ҳуқуқий ҳужжат қўлланилади.
Хулоса
Акцияларининг (улушларининг, пайларининг) ёки устав фондининг (устав капиталининг) камида 15 фоизини чет эл инвестициялари ташкил этадиган корхоналар Ўзбекистон ҳудудидаги чет эл инвестициялари иштирокидаги корхоналар деб эътироф этилади. Бунда бу қонунда ёзилмагунича устав фонди миқдори аҳамиятга эга эмас.
Бинобарин, устав фондида чет эл инвестициялари улуши 15 фоиздан камроқни ташкил этадиган барча корхоналар молиявий ҳисоботни 2024 йил 15 февралдан кечиктирмай топширишлари керак.
НҲҲ нормаларидаги фарқ туфайли корхонада кейинчалик муаммолар юзага келса – уни суд тартибида ҳал қилишга тўғри келади.
