Лизингга сотиб олинадиган кўчмас мулкка доир ижара шартномаси қандай рўйхатдан ўтказилади

Агар қуйидагилар кўчмас мулкни ижарага берса, кўчмас мулк ижара шартномасини ijara.soliq.uzда рўйхатдан ўтказиш керакми:

• лизинг шартномаси бўйича объект учун ҳисоб-китоб юритадиган лизингга олувчи;
• кўчмас мулкни оператив бошқарувга олганлар?

Вазиятни “Norma” профессионал ривожланиш маркази вебинари доирасида Солиқ қўмитасининг бош давлат солиқ инспектори Санжар ХАЙРИТДИНОВ тушунтирди:

– Ҳа, қолаверса, ҳар қандай бошқа кўчмас мулк ижара шартномаси каби, ijara.soliq.uzда рўйхатдан ўтказиш лозим. Аммо ушбу вазиятларда рўйхатдан ўтказиш тартиб-таомили ўзига хос хусусиятларга эга бўлади.

Лизингга олувчи лизинг шартномасига асосан кўчмас мулкдан фойдаланади, аммо фақатгина унинг қийматини сўндирганидан кейин унга бўлган мулк ҳуқуқига эга бўлади. Бунда у кўчмас мулкнинг тўлақонли мулкдорига айланмай туриб, уни ижарага бериши мумкин.

Ijara.soliq.uzдаги ижара шартномаларини рўйхатдан ўтказиш учун функционалда лизингга сотиб олинадиган кўчмас мулк ушбу даврда “Кўчмас мулк объектлари” сатрининг чиқиб келадиган тавсиясида автоматик тарзда акс эттирилмайди. У фақат лизингга олувчи мол-мулкнинг тўлақонли мулкдорига айланганидан сўнг, яъни унинг қийматини тўлаганидан сўнг ушбу сатрнинг чиқиб келадиган тавсиясида пайдо бўлади. Бунга қадар эса, ижара шартномасини рўйхатдан ўтказиш учун лизингга олувчи олдиндан қуйидаги қўшимча ҳаракатларни бажариши лозим:

1. ЭРИси ёрдамида ijara.soliq.uz сайтига киринг.

2. “Ижара шартномасини ҳисобга қўйиш” қўшимча саҳифасига, сўнгра “Лизинг” қўшимча саҳифасига босинг. Ёки дарҳол Бош саҳифада “Лизинг” тугмасига босинг.

3. Очилган ойнада қуйидаги бўлимларни тўлдиринг:

• Лизингга бериладиган кўчмас мулк ҳақида ахборот – чиқиб келадиган тавсиядан ижарага бериладиган объектни танлаган ҳолда;
• Лизингга олувчи тўғрисида ахборот – сиз ким эканлигингизни танланг: жисмоний ёки юридик шахс ва шунга қараб ЖШШИР ёки СТИРни кўрсатинг;

4. “Жўнатиш” тугмасига босинг.

Шундан сўнг лизингга олувчи ijara.soliq.uzнинг Бош саҳифасида “Ижара шартномаларини ҳисобга қўйиш” хизматини танлаши ва ижара шартномасини рўйхатдан ўтказишни давом эттириши мумкин. “Кўчмас мулк объектлари” сатри билан боғлиқ муаммолар юзага келмайди. Унда ижарага бериладиган объект акс эттирилади.

Ижарага бериладиган кўчмас мулк объекти оператив бошқарувда бўлган вазиятда ҳам шунга ўхшаш тарзда ҳаракат қилиш лозим. Ягона фарқи: шартномани рўйхатдан ўтказишдан олдин “Оператив бошқарув (тасарруф қилиш ҳуқуқисиз, ишончнома асосида)” тугмаси орқали объект тўғрисидаги ахборотни киритиш лозим. Ушбу тугмани Бош саҳифада ҳамда “Ижара шартномаларини ҳисобга қўйиш” бўлимида топиш мумкин.

Олег ГАЕВОЙ тайёрлади