Чет эл компанияси билан кўчмас мулк ижара шартномасини E-ijaraда рўйхатдан ўтказиш

E-ijaraда чет эл компаниялари ижарага олувчи бўлган кўчмас мулк шартномаларини рўйхатдан ўтказиш учун алоҳида “чет эл корхоналари билан шартнома” тугмаси назарда тутилган. Ушбу функционал қандай ишлашини “Norma” профессионал ривожланиш маркази вебинарида СҚнинг Солиқ тўловчиларга хизмат кўрсатиш департаменти бош давлат солиқ инспектори Санжар ХАЙРИТДИНОВ батафсил тушунтирди:

– Ушбу функционал ТСОЯЭАТда рўйхатдан ўтказилган кўчмас мулк ижара шартномаларини рўйхатдан ўтказиш учун назарда тутилган. Чет эл компанияси ушбу битимлар бўйича ижарага олувчи бўлади. Ушбу ижарага олувчиларда маҳаллий СТИР мавжуд эмаслиги боис, махсус функционал яратилди.

Чет эл компаниялари билан тузилган кўчмас мулк ижара шартномаларини ижарага берувчи бир томонлама тарзда рўйхатдан ўтказади. Яъни ахборот ижарага берувчи томонидан киритилганидан сўнг унинг ижарага олувчи томонидан тасдиқланиши талаб қилинмайди.

Чет эл компанияси билан тузилган шартномани ижара.солиқ.узда қандай рўйхатдан ўтказиш керак

1. Солиқ тўловчининг ЭРИси билан ijara.soliq.uzга киринг.

2. “Чет эл корхоналари билан шартномалар” тугмасига босинг.

3. “Ижарага берилаётган кўчмас мулк тўғрисида ахборот” бўлимини тўлдиринг. Бунинг учун сизга қуйидагиларни кўрсатиш талаб қилинади:

• кўчмас мулк объектининг кадастр рақами;
• кўчмас мулк ижара шартномасининг амал қилиш муддатлари;
• бино ижарага олувчи томонидан фойдаланадиган мақсади;
• майдон тури: бино, ер участкаси;
• ижара тўлови ҳақида ахборот.

4. “Чет эл компанияси ижарага олувчиси ҳақида ахборот”  бўлимини тўлдиринг. Қуйидагиларни кўрсатиш керак бўлади:

• сизнинг ижарага олувчингиз рўйхатдан ўтказилган мамлакат;
• ижарага олувчининг рўйхатдан ўтказиш мамлакатида берилган СТИРи;
• ижарага олувчи компаниянинг номи.

5. “Жўнатиш” тугмасига босинг.

Шу пайтдан эътиборан сизнинг шартномангиз ijara.soliq.uz тизимида рўйхатдан ўтказилган саналади.

Олег ГАЕВОЙ тайёрлади