Прочтите, если выплачиваете доходы нерезидентам, не связанные с ПУ:
Солиқ имтиёзлари бекор қилинганидан кейин қолган товарлар бўйича ҚҚСни қандай ҳисобга киритиш керак
«Бизнинг компаниямиз дори-дармон воситаларининг улгуржи савдоси билан шуғулланади ва солиқ тўлашдан озод қилинган. Солиқ имтиёзлари 2024 йил 1 апрелда тугайди.
Имтиёз бекор қилинганидан кейин қолган товарлар бўйича ҚҚС суммасини ажратиш керакми?»
«Нормa» эксперти Иринa Ахметова имтиёз тугаганидан кейин ТМЗ қолдиқлари бўйича ҚҚС суммасини қандай тўғри ҳисоблашни тушунтирди:
ҚҚС бўйича имтиёз бекор қилинганда сиз 2024 йил 1 апрель ҳолатига кўра қолдиқ товарларнинг баланс қийматида ҳисобга олинган солиқ суммаларини ҳисобга киритишга ҳақлисиз . Аммо фақат қуйидаги шарт билан:
- ушбу товарлар ҚҚСни ҳисобга олган ҳолда сотиб олинган, яъни товар етказиб берувчининг ҳисобварақ-фактурасида ҚҚС суммаси кўрсатилган тақдирда;
- «божхона» ҚҚСи тўланган ҳолда импорт қилинган бўлса;
- имтиёз бекор қилинишидан олдинги охирги ўн икки ой ичида олинган бўлса, яъни 2023 йил апрель ойидан 2024 йил март ойигача .
Қолдиқ товарлар қийматидан ажратиладиган ва имтиёз бекор қилинганда ҳисобга киритиладиган ҚҚС суммасини тўғри ҳисоблаш учун балансда ҳисобда турадиган айнан қайси товарларни ҳисоб-китобга киритиш кераклигини аниқлаш керак. Бунинг учун:
- 2024 йил 1 апрель ҳолатига кўра имтиёз бекор қилинган санада уларнинг инвентаризациясини ўтказинг;
- барча товарларга тасдиқловчи кирим ҳужжатларини танланг (ҳисобварақ-фактуралар, БЮД, НКТ чеклари);
- мавжуд қолдиқ товарлардан қуйидагилар билан харид қилинганларини чиқариб ташланг:
– ҚҚҚсиз;
– ҚҚС билан 12 ой аввал, яъни 2023 йил 1 апрелга қадар;
- товарларнинг қолган қисми қийматидан 12% ҚҚС ажратинг.
Апрель ойи учун ҚҚС ҳисоботида ҚҚСни ҳисобга олган ҳолда кирим қилинган ва 2024 йил 1 апрель балансида ҳисобда бўлган товар қийматини акс эттиринг – ҚҚС Ҳисоб-китобига 3-илованинг 0123-сатрида. Бунинг учун сиз «Юридик шахслар учун ҚҚС суммасига тузатишлар киритиш» электрон хизматидан фойдаланишингиз керак. Ушбу хизматни my3.soliq.uz сайтидаги шахсий кабинетингиздаги «Хизматлар» бўлимининг «Электрон ҳужжат айланиши» кичик бўлимида танланг.
- Имтиёз бекор қилинганда ҳисобга олинган ҚҚСга қандай тузатиш киритилиши керак;
- ҚҚСни товар ва хизмат қийматига қандай ҳолларда киритиш мумкин;
- ҚҚСни қачон ҳисобга олиш мумкин;
- Солиқ солинадиган ва озод этилган айланма мавжуд бўлганда ҚҚС қандай ҳисобга олинади;
- Ҳисобга олинган ҚҚСга қандай тузатиш киритиш лозим;
- Товар-моддий бойликлар инвентаризациясини қандай ўтказиш керак;
- Қандай қилиб ҚҚС ҳисоботини тўлдириш ва солиқни тўлаш керак.