ЭҲФни тақдим этишда «Харидор мижозингиз ҳисобланмайди» деган хато юзага келса, нима қилиш керак

Читать на русском языке
preview

ЭҲФ тақдим этишга уринишда хато тўғрисида хабар чиқди: “Харидор мижозингиз ҳисобланмайди. Харидорнинг СТИРи 000000000”. Buxgalter.uz “Yangi texnologiyalar” ИАМ ва электрон ҳужжат айланиши операторларидан тушунтириш олди.

 

Материалларимизни ўтказиб юбормаслик учун телеграм-каналга обуна бўлинг.

 

Бу “Yangi texnologiyalar” ИАМ роуминг-оператори томонидан бериладиган хато тўғрисидаги стандарт хабар. У солиқ тўловчи электрон ҳужжат айланиши оператори сайтида электрон ҳисобварақ-фактурани ёки бошқа ҳужжатни электрон шаклда тақдим этишга уринганида, бироқ уни ўз оператори сифатида танламаган, мустаҳкамлаб қўймаганда чиқади. Одатда бундай вазият бухгалтер бу сафар электрон ҳужжатни бошқа, одатда фойдаланмайдиган ўзи учун янги бўлган сервис орқали тақдим этганида юзага келади.

Муаммо осон ҳал қилинади. Электрон ҳужжат айланиши оператори сайтида ишни бошлашдан олдин уни ўз оператори сифатида танлаш лозим.

Мисол учун, new.soliqservis.uzда оммавий офертани имзолашда “тизимни оператор сифатида танлашга розиман” олдида белги қўйиш лозим. Фақат шундан кейингина сиз давом этишингиз ва ишлашни бошлашингиз мумкин.

Агар сиз биринчи марта Didox ресурсида ишлашни бошлаётган бўлсангиз, у билан танишиш сизга мурожаат билан бошланади “Сизда Дидокс оператор сифатида танланмаган. Танлайсизми?” Сиз шошилиб автоматик тарзда “Йўқ”ни босган бўлишингиз мумкин. Бу ҳолатда операторни “Профил”га кириб, “Аккаунт” бўлимининг “Didox.uz ни ўрнатиш” функциясидан фойдаланган ҳолда танлаш мумкин.

1UZ бевосита бош саҳифада электрон ҳужжат айланиши операторини танлашни таклиф қилади.

Агар сиз бирор бир сабабга кўра ушбу босқични ўтказиб юборган бўлсангиз, тизим ҳужжатингизни юбормайди ва “Харидор мижозингиз ҳисобланмайди. Харидорнинг СТИРи 000000000” деган хато чиқаради.

Эътибор беринг: my.soliq.uzдаги шахсий кабинетнинг “Электрон ҳисобварақ-фактуралар” интерактив хизмати орқали ҳам ЭҲФ билан ишлашни бошлаш мумкин. Шунингдек, сиз дастлаб электрон ҳужжат айланиши операторини танлашингиз керак бўлади.

My.soliq.uzда сиз электрон ҳужжат айланиши оператори сифатида бир ёки бир нечта сервисларни танлашингиз мумкин.

 

 

Олег ГАЕВОЙ тайёрлади