Меҳмонхона хизматлари реализациясини ҳисобга олиш тартиби
Тавсияда:
– меҳмонхона харажатларини сертификатлаш:
сертификация харажатларининг бухгалтерия ҳисоби;
инспекция назоратини ўтказиш харажатларининг бухгалтерия ҳисоби;
– меҳмонхоналар томонидан кўрсатиладиган хизматларнинг алоҳида ҳисоби;
– меҳмонхона хизматлари реализациясининг ҳисоби:
хизматлар реализациясининг расмийлаштирилиши;
давомли муддатга хоналарни бронлаш;
туроператорларга хизматлар реализацияси;
воситачилик шартномаси бўйича хизмат кўрсатиш;
– туристик йиғим.
Меҳмонхона хизматлари – бу меҳмонхоналар, туристик базалар ва мажмуалар, дам олиш уйлари ва зоналари, пансионатлар, кемпинглар, мотеллар, меҳмон уйлари, ўтов ва чодирли оромгоҳлар ва бошқа жойлаштириш воситаларида вақтинчалик яшашни тақдим этиш бўйича хизматлардир .
Меҳмонхона хизматларини сертификатлаш
Меҳмонхона хизматлари туристик хизматларга киради ва мажбурий сертификатланади. Мувофиқлик сертификати
5 йилга берилади ва инспекция назоратидан ўтказилади .
Меҳмонхона хизматларини сертификатлаш учун тўланган суммаларни ишлаб чиқариш харажатларига киритинг .